عرفتي أنتِ وش تعنين لي .. هذيك الطفلة عرفتيها ؟؟!!!

من طرف kaka الجمعة يناير 08, 2010 5:21 am

أحبك .. أحبك .. أحبك .. ما هي بس كلمة ..
لكل من جاء بدون شعور أنا أحكيها ..
بلا إحساس ولا معنى ولا ذمة ..
تموت الكلمة في صدري بما فيها ..
ولا إني أقولها لإنسان وهي في الأصل ما تهمه..
كبيرة حيل هــ الكلمة واللي خلقني فهمتيها ..
تبيني لك أنا أشرحها كانك من جد مهتمه ..؟؟!!
بسيـــــطة اخذي لك طفلة .. وعلى إيديك ربيها ..
وعطيها من حنان قلبك .. حنان يغطي هــ الأمه ..
وبعد ما تكبر بحضنك لأهلها روحي وديها ..
وشوفي حالتك بعدها .. كيف منغمه ..
إلى منك شعرتي صدق خلاص إنك فقدتيها ..
وهي لك كانت الدنيا ونبض القلب ودمه ..
وفجأة .. اختفت عنك وقالوا: اليوم انسيها ..
وانسي لما قالت لك : أحبك حيــــل يا يمّه ..
أمانة بس أبي أعرف يجي لك قلب تنسيها وتعديها .. ؟!
مجرد حلم .. بس الوقت ما تمـــه .. !!
وش يعني الحنان إلي من قلبك عطيتيها ..
طبيعي هــ العطاء مهما نقص أو زاد في حجمه ..
غريزة نابعة من القلب ولا تدرين وش فيها ..
وكانت قبل لا تنطق حكيها وقبل لا تتمه ..
تعرفين اللي بتقوله قبل لا أنتِ تسأليها ..
غلاها .. وش هو يعني لك ؟! غلا خاله .. غلا عمه ..
أو هي مجرد طفلة مسكينة وبعطفك حضنتيها ..
وعادي لو خسرتيها .. طبيعي منتِ مهتمه ..
أبي تعيشين هــ القصة من أولها لتاليها ..
وأبي تعرفين وش المقصود منها .. وش الحكمه ..
ساعتها بس بتعرفين أحبك ليه أداريها ..
وليه بالتحديد هــ الكلمة ما هي بس كلمه ..
وإذا كانت مشاعر صادقة والحب يحييها ..
وترى ما هي حكاية غامضة وكلن حسب فهمه ..
كثير أشياء تثبتها .. وكثير أشياء تنفيها ..
وإذا مات الصدق فينا نموت ونندفن يمــه ..
وإلا ما نعيش كذبة أنا وأنتِ ما نبغيها ..
ترى درب الهوى " متعب" كما اللي يصعد القمه ..
يبي له قلب ما يتعب وخطواته يهديها ..
لجل يقدر على المشوار وما يضعف أبد عزمه ..
شفتي وشلون هــ الكلمة كبيرة حيــل في معانيها ..
ولا أذكر قلتها إلا لشخص ضلوعي تضمه ..
عرفتي أنتِ لي وش تعنين .. هذيك الطفلة عرفتيها ؟!!
........
منقول ..
دمتم بسعادة وتفاؤل..[center]